Har du tenkt på kva som gjøymer seg i norske arkiv? Lurer du på kva arkiv eigentleg er? – No får du mulegheiten til å finne ut av dette sjølv! 9. november opnar arkiv over heile Norden magasina for publikum. Omvisningar, seminar og føredrag skal gje folk flest betre innsyn i kva som gjøymer seg i arkiva og kva betydning dokumenta har for både fortida og framtida. Arkivdagen er arkivsektoren si årlege formidlingssatsing. Kvart år er det valt eit tema for arrangementet, og i 2013 er tema røyster. Det fleirtydige temaet femner om fleire av dei store jubilea i norsk samanheng. Både røysterettsjubileet og Ivar Aasen-jubileet er med, i tillegg til grunnlovsjubileet i 2014. Ved sida av dei nasjonale feiringane opnar Arkivdagen og for dei lokale røystene.
Sjå liste over arrangement:
Arkivdagen 2013
